நாவில் கரையும் 'குல்கந்து குலாப் ஜாமுன்'! வீட்டிலேயே சுலபமாக செய்வது எப்படி? (Gulkand Gulab Jamun Recipe)

• ஒரு பாத்திரத்தில் 2 கப் சர்க்கரை மற்றும் 2 கப் தண்ணீர் சேர்த்து கொதிக்க வைக்கவும்.

• சர்க்கரை கரைந்து லேசான பிசுபிசுப்புத் தன்மை (கம்பி பதம் தேவையில்லை) வந்ததும் ஏலக்காய் தூள், ரோஸ் வாட்டர் சேர்த்து அடுப்பை அணைத்து மூடி வைக்கவும்.

• ரோஜா இதழ்களைக் கழுவி, ஈரம் முற்றிலும் போகும் வரை காயவைக்கவும்.

• ஒரு சுத்தமான கண்ணாடி பாட்டிலில் ஒரு அடுக்கு ரோஜா இதழ்கள், ஒரு அடுக்கு சர்க்கரை என மாற்றி மாற்றி அடுக்கவும்.

• மேலே ஏலக்காய் தூள் மற்றும் தேன் சேர்த்து மூடவும்.

• தினமும் 8 முதல் 10 நாட்கள் மிதமான வெயிலில் வைத்து எடுத்தால் சுவையான, உடலுக்குக் குளிர்ச்சி தரும் குல்கந்து தயார்!

ஒரு சிறிய கிண்ணத்தில் குல்கந்து மற்றும் பொடியாக நறுக்கிய முந்திரி, பாதாம் பருப்புகளைச் சேர்த்து நன்றாகக் கலந்து வைத்துக்கொள்ளவும்.

• ஜாமுன் மாவில் சிறிதளவு பால் அல்லது தண்ணீர் தெளித்து மென்மையாகப் பிசையவும்.

• பிசைந்த மாவிலிருந்து சிறிய எலுமிச்சை அளவு எடுத்து, கையில் பரப்பி நடுவில் சிறிதளவு குல்கந்து கலவையை பூரணமாக வைக்கவும்.

• மாவின் ஓரங்களை ஒன்றாகச் சேர்த்து மூடி, விரிசல் (Cracks) ஏதும் இல்லாதவாறு மென்மையாக உருண்டையாக உருட்டவும்.

• கடாயில் எண்ணெய் அல்லது நெய் ஊற்றி மிதமான தீயில் (Low-Medium Flame) சூடாக்கவும்.

• தயார் செய்த உருண்டைகளைப் போட்டு பொன்னிறமாகப் பொரித்தெடுக்கவும்.

• பொரித்த ஜாமுன்களை உடனே வெதுவெதுப்பான சர்க்கரை பாகில் போடவும்.

• குறைந்தது 1 முதல் 2 மணி நேரம் ஊறவைத்தால், கடிக்கும் போது உள்ளே குல்கந்து சுவையோடு நாவில் கரையும் குல்கந்து குலாப் ஜாமுன் தயார்!