Republic Day 2025 Speech : குடியரசு தின பேச்சுப் போட்டியில் கலக்க வேண்டுமா? உங்களை தனித்துவமாக காட்டும் உரை இதோ

இந்தியாவில் 76வது குடியரசு தினம் வரும் ஜனவரி 26-ம் தேதி கொண்டாடப்படுகிறது. 1950ஆம் ஆண்டு ஜனவரி 26-ம் தேதி இந்திய அரசியலமைப்பு சட்டம் அலலுக்கு வந்த தினத்தைதான் நாம் குடியரசு தினமாக கொண்டாடி வருகிறோம். இதனை அனுசரிக்கும் விதமாக இந்தியாவில் ஒவ்வொரு ஆண்டும் குடியரசு தினம் தேசிய கொடி ஏற்றத்துடன் கோலாகலமாக கொண்டாடப்படுகிறது. இந்த தினத்தில் நாடு முழுவதும் பள்ளி, கல்லூரிகள், அரசு அலுவலகங்கள், பொது துறை நிறுவனங்களில் தேசிய கொடி ஏற்பட்டு மரியாதை செலுத்தப்படும். மேலும், இந்த தினத்தின் சிறப்பை குறித்து மாணவர்களிடம் விழிப்புணர்வு ஏற்படுத்தும் வகையில், பேச்சுப் போட்டி, கட்டுரை போட்டி, வினாடி - வினா போட்டிகள் ஆகியவை நடைபெறும். அந்த வகையில் பள்ளி மாணவர்களுக்கு உதவும் பேச்சுப் போட்டிக்கான உரையை இந்த பதிவில் பார்க்கலாம்.

இன்று இந்தியாவின் 76வது குடியரசு தினத்தை கொண்டாட நாம் அனைவரும் இங்கு கூடியுள்ளோம். இந்திய அரசிலமைப்பு சட்டம் அமலுக்கு வந்த வரலாற்று தினத்தை நாம் குடியரசு தினமாக கொண்டாடி வருகிறோம். இந்தியா, ஜனநாயக நாடு என்பதில் இருந்து ஜனநாயக குடியரசு நாடு என்ற பெருமையை பெற்ற தினம்இது. இந்திய அரசியலமைப்பு சட்டம், நமக்கான நீதி, சமத்துவம், உரிமை ஆகியவற்றை வழங்குகிறது. நமக்கான உரிமைகளை ஒழுங்குபடுத்தி அதற்கு அங்கீகாரம் தருகிறது. இந்த தினத்தில் நாம் அனைவரும் இந்த உரிமைகளை நமக்கு மீட்டெடுத்து தந்த வீரர்களை நினைவுக்கூற வேண்டும். அகிம்சை என்பது ஒரு ஆயுதம் என்பதை உலகிற்கு உணர்த்திய காந்தி முதல், நம் தமிழ் மண்ணில் போராடிய வ.வு.சி, கொடிக்காத்த குமரன், வாஞ்சிநாதன், சுப்பிரமணிய சிவா, சுதந்திர தாகத்தை தூண்டிய சுப்பிரமாணிய பாரதியார் என அனைவரையும் போற்ற வேண்டிய தினம் ஆகும். சரி, அப்படியே இந்திய அரசியமைப்பு உருவாக்கப்பட்டு எப்படி என்பதை தெரிந்துகொள்ளலாம்

நம் இந்திய நாட்டிற்கு 1947ஆம் ஆண்டு ஆகஸ்ட் 15-ம் நாள் சுதந்திரம் கிடைத்தது. சுதந்திர இந்தியா, ஒரு ஜனநாயக நாடாக அறிவிக்கப்பட்டது. அதாவது மக்களால் மக்களுக்காக உருவாக்கப்பட்ட ஒரு ஆட்சி முறை கொண்ட நாடு என்ற பெருமையை பெற்றது. சுதந்திர இந்தியாவில் குடிமக்களின் உரிமைகளை மீட்டெடுக்க ஆக்கபூர்வமான அரசியலமைப்பு தேவையாக இருந்தது. ஆங்கிலேயர்களால் உருவாக்கப்பட்ட இந்திய அரசு சட்டம், 1935-தை மாற்றியமைத்து சுதந்திரம், நீதி, சமத்துவம் உள்ளிட்ட உயரிய தேவைகளைகளுடன் அரசியலமைப்பு சட்டத்தை இயற்றிட அரசியலமைப்பு சபை டாக்டர் எஸ். ராஜேந்திர பிரசாத் தலையில் உருவாக்கப்பட்டது. இதனின் அரசியலமைப்பு வரைவு குழுவின் தலைவராக டாக்டர் பி.ஆர். அம்பேத்கர் தேர்வு செய்யப்பட்டார்.
பன்முகத்தன்மை கொண்ட இந்தியாவிற்கு, சமூக நீதி, அடிப்படை உரிமைகளை மீட்டெடுக்கும் மிகப்பெரிய பொறுப்பு அண்ணல் அம்பேத்கரிடம் இருந்தது. அரசியலமைப்பை உருவாக்கும் பணி 1946 டிசம்பர் 9-ம் தேதி முதல் தொடங்கியது. சுமார் 60 நாடுகளின் அரசியலமைப்பு சட்டங்களை ஆராய்ந்து, குடிமக்களுக்கு அடிப்படை உரிமைகளை சுதந்திரமாகவும், சமத்துவ நோக்கத்துடனும் வழங்கும் வகையில் சுமார் 3 ஆண்டுகள் எடுத்துக்கொண்டு இந்திய அரசியலமைப்பு சட்டம் 1949 நவம்பர் 26-ம் தேதி முழுமையடைந்தது. சரியாக 2 ஆண்டுகள் 11 மாதம் மற்றும் 18 நாட்களில் 11 முறை குழு கூடி ஆலோசித்து நாம் இப்போது போற்றும் அரசிலமைப்பு சட்டம் உருவாக்கப்பட்டது.

இந்திய அரசியலமைப்பு சட்டம் இந்தியர்களின் உரிமைகளை மட்டும் எடுத்துரைக்காமல், அவர்களின் கடமைகளையும் சுட்டிக்காட்டுகிறது. இறையாண்மை, சமூக நிதி, மதச்சார்பற்ற ஜனநாயக குடியரசு மற்றும் பாதுகாப்பை இந்திய அரசியலமைப்பு அனைவருக்கும் வழங்குகிறது

மத, இன, மொழி வேறுப்பாடு இன்றி அனைவருக்கும் கொடுக்கப்பட்ட மிகப்பெரிய பொக்கிஷம் அரசியலமைப்பு சட்டம். இதனை உணர்ந்து மாணவர்களான நாம், நம் நாட்டின் வளர்ச்சிக்கும், அரசியலமைப்பு கொடுத்த அங்கீகாரத்தை உறுதி செய்ய உழைத்திட வேண்டும். இந்தியா ஒற்றிமையான நாடு, சமத்துவம் தெரிந்த நாடு, சமூக நீதியை போற்றும் நாடு, கல்வியின் உயர்ந்த நாடு, வேறுபாடுகள் இன்றி மகிழ்ச்சியுடன் வளர்ச்சியில் பாதையில் செல்லும் நாடு என்ற பெருமைகளை குவிக்க வேண்டும்.

இதற்கு இன்று மாணவர்களாய் இருக்கும் நாம் உறுதி மொழி ஏற்க வேண்டும். குடியரசு தின உரை என்பது ஒவ்வொரு ஆண்டும் நாம் கடந்தும் போகும் ஒரு உரையாக மட்டுமில்லாமல், அரசியலமைப்பு சட்டம் நமக்கு கொடுத்த உரிமைகளை நிலை நாட்ட நம்மை நாம் பக்குவப்படுத்தி கொள்ளும் நாளாகவும் இருக்க வேண்டும். இந்த தினத்தில் இங்கு பேச எனக்கு வாய்ப்பளித்த ஆசிரியர்கள், என் உரையை கேட்ட என் நண்பர்கள் அனைவருக்கும் நன்றி.