மாற்றுத் திறனாளிகள்

எம் பாரதத்தில் அணுதினமும் ஆயிரம்

      மனித உயிரிகள் பிறக்க,

அவ்வுயிர்களுள் ஒன்றோ இரண்டோ

      மாற்றுத் திறனோடு இருக்க,

இறைவனே நேராய் வருகிறான் – தம் தோள்

      பிடித்து இவ்வையகத்தில் நடக்க வைக்க….!

அறிவியலும் மருத்துவமும் ஒன்றாய் கைகோர்த்து,

      என்னற்ற வினோதங்கள் புரிந்திடினும்,

ஏனோ இன்னும் முழுமையாய் தடுக்க முடியவில்லை,

      மாற்றுத்திறனோடு பிறக்கும் உங்கள்

      மரபுத்திரியை கருவிலேயே மாற்றியமைக்க…!

அக்காரணம் தேடினால் – நீங்கள்

      கடவுளின் செல்லப் பிள்ளைகளாம்….!

உள்ளத்தில் உறுதியும் உடலில் ஊக்கமும்

      குறையாத உயிர்கள் நீங்கள்;

உங்களை என்றும் வழிமொழியும்

      உடன் பிறப்புகள் நாங்கள்….!!

இறைவன் ஏனோ எங்களுக்கு வாய்ப்பு

      மட்டுமே தருகிறான்;

ஆனால் உங்களுக்கு கூடவே பயணிக்கிறான்

      வெற்றியின் ஸ்பரிசத்தை எட்டும் வரை…..!

அன்பு மாறாமல் தோள் கொடுக்கும் தோழமைகளாய்

      என்றும் தம்முடன் தொடர்வோம்

என்றும் தோல்வி என்னும் நிழல்

      தம் மீது படாமல் இருக்க…..!