தினமும் பிஸ்கட் சாப்பிடுவீங்களா? உடலில் வரும் இந்த பிரச்சனைகளை தெரிஞ்சிக்கோங்க

குழந்தைகள் முதல் பெரியவர்கள் வரை பலரும் விரும்பும் சுவையான பிஸ்கட், உண்மையில் உடலுக்கு ஏற்படுத்தும் தீமைகள் பற்றி உங்களுக்கு தெரியுமா? பிஸ்கட் தயாரிக்கும் போது அதிக வெப்பத்தில் எண்ணெய் டிரான்ஸ் ஃபேட் (Trans Fat) ஆக உருவாகிறது. இந்தத் தீங்கு விளைவிக்கும் கொழுப்பு எவ்வளவு அளவு பயன்படுத்தப்படுகிறது என்பதை பெரும்பாலான பிஸ்கட் பாக்கெட்டுகளில் குறிப்பிடுவதில்லை. இது உடலில் கெட்ட கொழுப்பை அதிகரித்து, இதய நோய் வருவதற்கான ஆபத்தை உண்டாக்குகிறது. அந்த வரிசையில் தினமும் பிஸ்கட் சாப்பிட்டால் உடலுக்கு ஏற்படும் பக்க விளைவுகள் என்ன என்று இந்த கட்டுரையில் பார்க்கலாம்.

அதிக உப்பு மற்றும் தடை செய்யப்பட்ட கெமிக்கல்ஸ்:

பிஸ்கட் நீண்ட நாட்களுக்கு கெட்டுப்போகாமல் இருக்கவும், சுவைக்காகவும் அதிகப்படியான உப்பு சேர்க்கப்படுகிறது. இது உயர் ரத்த அழுத்தம் உள்ளவர்களுக்கு மேலும் பிரச்சனைகளை ஏற்படுத்தும். மேலும், பிஸ்கட்டின் சுவை மற்றும் நிறத்திற்காக சேர்க்கப்படும் சில வேதிப்பொருட்கள் தடை செய்யப்பட்டவையாக இருக்கலாம்.

மிருதுவான தன்மைக்கு பின்னால் உள்ள உண்மை:

பிஸ்கட் மிருதுவாக இருக்க குளூட்டன் (Gluten), சர்க்கரை, ஈஸ்ட், சோடியம் பைகார்பனேட் மற்றும் செயற்கை நிறங்கள் போன்றவை சேர்க்கப்படுகின்றன. பிஸ்கட் எவ்வளவு மிருதுவாக இருக்கிறதோ, அந்த அளவுக்கு அதில் புரதச் சத்து குறைவாக இருக்கும். மிருதுத்தன்மை குறைந்த பிஸ்கட்டுகளில் கொழுப்புச்சத்து அதிகம் இருக்கும்.

சர்க்கரை - ஆரோக்கியப் பிரச்சனைகளுக்கு காரணம்:

பிஸ்கட்டில் அதிக அளவில் சேர்க்கப்படும் சுக்ரோஸ் (Sucrose) உடலில் சர்க்கரை அளவை திடீரென உயர்த்தி, நீண்டகாலத்தில் சர்க்கரை நோய், இதய நோய் மற்றும் கொழுப்பு அதிகரிப்பு போன்ற பிரச்சினைகளை உருவாக்கும்.