டிராபிக் ரூல்ஸ் மீறினால் அவ்வளவு தான்.! 1000 ரூபாய் அபராதம் இனி ரூ.5000 -கிடு கிடுவென உயர்வு

Traffic Rules Updated: Fine Hiked from ₹1000 to ₹5000 – What You Need to Know! ஹெல்மெட் இல்லாமல் பைக் அல்லது ஸ்கூட்டர் ஓட்டினால் ரூ.1,000 அபராதம் மற்றும் 3 மாதங்களுக்கு ஓட்டுநர் உரிமம் ரத்து செய்யப்படும். இரு சக்கர வாகனத்தில் மூன்று பேர் பயணித்தாலும் ரூ.1,000 அபராதம் விதிக்கப்படும்.

சீட் பெல்ட் அணியாமல் வாகனம் ஓட்டினால் ரூ.1,000 அபராதம் விதிக்கப்படும். வாகனம் ஓட்டும்போது மொபைல் போனில் பேசினால் ரூ.500 ஆக இருந்த அபராதம் ரூ.5,000 ஆக உயர்த்தப்பட்டுள்ளது.

செல்லுபடியாகும் ஓட்டுநர் உரிமம் இல்லாமல் வாகனம் ஓட்டினால் ரூ.500க்கு பதிலாக ரூ.5,000 அபராதம் விதிக்கப்படும். சரியான காப்பீட்டு ஆவணங்கள் இல்லாவிட்டால் ரூ.2,000 அபராதம் மற்றும் 3 மாதங்கள் சிறைத்தண்டனை விதிக்கப்படும். அதிக சுமை ஏற்றினால் ரூ.2,000க்கு பதிலாக ரூ.20,000 அபராதம் விதிக்கப்படும்.

மாசு சான்றிதழ் இல்லாமல் வாகனம் ஓட்டினால் ரூ.1,000க்கு பதிலாக ரூ.10,000 அபராதம் விதிக்கப்படும். மேலும் 6 மாதம் வரை சிறைத்தண்டனை மற்றும் சமூக சேவை செய்ய நேரிடும்.

குடிபோதையில் வாகனம் ஓட்டுவதற்கான அபராதம், முன்பு ரூ.1000-1500 ஆக இருந்தது, தற்போது ரூ.10,000 ஆக உயர்த்தப்பட்டுள்ளது. மேலும் 6 மாதம் வரை சிறைத்தண்டனை விதிக்கப்படும். மீண்டும் குற்றம் செய்பவர்களுக்கு ரூ.15,000 அபராதம் மற்றும் 2 ஆண்டுகள் சிறைத்தண்டனை விதிக்கப்படும்.

பைக் ஓட்டுநர் சாகசங்கள் செய்தால், ஆபத்தான முறையில் ஓட்டினால் அல்லது பந்தயம்/அதிவேகமாக ஓட்டினால், ரூ.500க்கு பதிலாக ரூ.5,000 அபராதம் விதிக்கப்படும். யாராவது போக்குவரத்து சிக்னலை மீறினால், அவர்கள் முன்பு ரூ.500 ஆக இருந்தது தற்போது ரூ.5,000 அபராதம் செலுத்த வேண்டும்.

ஆம்புலன்ஸ் போன்ற அவசர ஊர்திக்கு வழிவிடாவிட்டால், முன்பு ரூ.1,000 ஆக இருந்த அபராதம் தற்போது ரூ.10,000 வரை விதிக்கப்படும். 18 வயதுக்குட்பட்டவர்கள் வாகனம் ஓட்டினால் ரூ.2,500ல் இருந்து ரூ.25,000 அபராதம் விதிக்கப்படும். கூடுதலாக, 3 ஆண்டுகள் சிறைத்தண்டனை, ஒரு வருட வாகனப் பதிவு ரத்து செய்யப்படும்.