2025ஆம் ஆண்டு இளநிலை நீட் தேர்வு குறித்த விவரங்கள் வெளியாயின! - NEET UG 2025

எம்பிபிஎஸ், பல் மருத்துவம், ஆயுர்வேதம், கால்நடை மருத்துவம், நர்சிங் மற்றும் வாழ்க்கை அறிவியல் உட்பட.இளநிலை மருத்துவப்படிப்புகளில் இந்தியா முழுவதும் உள்ள மருத்துவக் கல்லூரிகளில் மாணவர் சேர்க்கைக்காக 2025ஆம் ஆண்டின் இளநிலை நீட்தேர்வு 2025ஆம் ஆண்டு மே மாதம் 4ஆம் தேதி நடைபெற உள்ளது. இந்த தேர்வுக்கு மாணவர்கள் விண்ணப்பம் செய்வதற்கான வசதி வரும் பிப்ரவரி மாதம் தொடங்கப்படும்.

நீட் தேர்வு குறித்த அவ்வப்போதைய தகவல்களுக்கு neet.nta.nic.in என்ற இணையதளத்தை அவ்வப்போது பார்க்க வேண்டும்,"என தெரிவிக்கப்பட்டுள்ளது. 2025ஆம் ஆண்டின் இளநிலை நீட் தேர்வினை நாடு முழுவதும் 25 லட்சம் மாணவர்கள் எழுதுவார்கள் என்று எதிர்பார்க்கப்படுகிறது.

2024 ஆம் கல்வியாண்டிற்கான நீட் தேர்வினை நாடு முழவதும் 24 லட்சம் பேர் எழுதினர். தமிழ்நாட்டில் 1.5 லட்சம் மாணவர்கள் நீட் தேர்வு எழுதினர். அவர்களில் 13 லட்சத்து 16 ஆயிரத்து 268 பேர் தகுதிப்பெற்றனர். நீட் தேர்வு வினாத்தாள் கசிந்ததாகவும், நீட் தேர்வில் மாணவர்களுக்கு கருணை மதிப்பெண் வழங்கப்பட்டதும் 2024ஆம் ஆண்டு பெரும் சர்ச்சை எழுந்தது. எனவே இந்த ஆண்டு சர்ச்சைகளுக்கு இடமின்றி தேர்வு நடத்தப்படும் என்ற எதிர்பார்ப்பு எழுந்துள்ளது.