இளநீர் பாயாசம் எனும் அமிர்தம்! மெய் மறக்கும் சுவை... எளிதான ரெசிபி

• இளநீர் வழுக்கை
• தேங்காய் பால்
• பசும் பால்
• சுண்டிய பால்
• ஏலக்காய் பொடி
• ஐஸ்கட்டி
• பாதாம் பருப்பு

இளநீர் பாயாசம் செய்முறை

• கடாயில் அரை லிட்டர் பசும் பால் ஊற்றி நன்கு கொதிக்க விட்டு ரப்டி ஆக மாற்றவும். ரப்டி என்பது பால்கோவாவின் முந்தைய நிலை ஆகும்.
• அரை லிட்டர் பாலை ரப்டி ஆக மாற்றுவதற்கு உங்களுக்கு 20 முதல் 30 நிமிடங்கள் எடுக்கும்.
• இதனிடையே நான்கு இளநீரின் வழுக்கையை எடுத்து அதில் நார் நீக்கவும்
• பஞ்சு போல் இருக்கும் இளநீர் வழுக்கையை கத்தியை கொண்டு துண்டு துண்டாக வெட்டவும்
• அரை லிட்டர் பால் 100 மில்லி லிட்டராக குறையும் போது 100 கிராம் சர்க்கரை சேர்த்து கலந்த பிறகு அடுப்பை ஆப் செய்யவும்
• இதனுடன் சுண்டிய பால் பத்து ஸ்பூன் சேர்க்கவும். அடுத்ததாக ஒரு சிட்டிகை ஏலக்காய் பொடி போட்டு 150 மில்லி லிட்டர் தேங்காய் பால் சேர்த்து மிக்ஸ் செய்யவும்.
• இதை இளநீர் வழுக்கையின் மீது கொஞ்சம் கொஞ்சமாக வடிகட்டி ஊற்றவும். அவ்வளவு தான் இளநீர் பாயாசம் ரெடி.
• இதனுடன் நான்கு ஐந்து பாதாமை பொடிதாக நறுக்கி மேலே தூவி விடுங்கள்.
• இதைச் சுற்றி ஐஸ் கட்டிகள் போட்டு ஒரு மணி நேரம் கழித்து பரிமாறவும். இரண்டு மணி நேரத்திற்கு இதன் சுவை அமிர்தம் போல இருக்கும். நான்கு மணி நேரத்திற்கு மேல் பயன்படுத்தப்பட்டுள்ள பாலின் தன்மை மாறிவிடும்.
• நாம் பயன்படுத்திய அளவுகளை வைத்து நான்கு பேருக்கு இந்த இளநீர் பாயாசத்தைக் கொடுக்கலாம்.